33941631092963012
الأخبار
أخبار ساخنة

قبل ان تبدا في الكيمياء لازم تعرف اساسيات المادة2019

الخط
بسم الله الرحمن الرحيم، طلاب الصف الثالث الثانوي ،اهلا بكم في موقعكم موقع اي بوك التعليمي .أنهرده بإذن الله عز وجل هقدملكم مذكرة من أروع مذكرات الكيمياء والي هتخليك تدخل على سنة "3 ثانوي" وانت متأسس صح! ..ايوة زي ما بقولك كده! .لإن المذكرة دي فيها كل أساسيات مادة الكيمياء الي ممكن تحتاجها في 3 ثانوي والي هتساعدك أنك تفهم مادة الكيمياء كويس أوي من أستاذك دون ما تحتاج ترجع وتذاكر مناهج السنوات السابقة والي غالباً غالباً المدرسين هيقولوك : أرجع لمنهج الكيمياء للصف كذا وذاكر النقطه دي والنقطه دي !

مذكرة الحسام في تأسيس مادة الكيمياء لشهادة الثانوية العامة 2019
متابعي موقع اي بوك الكرام وطلابنا طلاب الصف الثالث الثانوي للعام الدراسي 2019، أنهرده هنقدم ليكم  مذكرة الحسام في تأسيس مادة الكيمياء لطلاب شهادة الثانوية العامة 2019 والي بإذن الله هتساعدكم في الإستعداد لدراسة منهج الكيمياء لشهادة الثانوية العامة 2019 .

كيمياء شهادة الثانوية العامة 2019

الكيمياء بشكل عام مدة سهلة وجميلة  لو طبعا فهمتها ، الامتحانات بتاعت مادة الكيمياء  سهلة والأسئلة بتاعتها بتتكرر كتير جداً على مدار امتحانات شهادة الثانوية العامة السابقة ، اي نعم منهج الكيمياء كبير شوية خاصة الباب الخامس " الكيمياء العضوية " طبعاً بس أنت كده أن شاء الله - عز وجل-.

اي أهم الكتب والمصادر الي ممكن تذاكر منها منهج الكيمياء لشهادة الثانوية العامة 2019 - عن تجربتي

  1. كتاب الوافي في الكيمياء هو أفضل كتاب خارجي لمذاكرة منهج مادة الكيمياء لشهادة الثانوية العامة 2019.
  2. لو معاك ملزمة كيمياء من أستاذك شاملة المنهج ومتكاملة ..تقدر طبعاً تذاكر منها.
  3. عشان تحل: أعتمد على الكتاب المدرسي لمادة الكيمياء 2019 وكمان كتاب دليل تقويم الطالب في مادة الكيمياء وممكن من كتب خارجيه لمادة الكيمياء 2019.
  4. اما بقا لما تيجي تراجع ممكن تشتري كتاب الإمتحان -بنصحك بيه - أو ممكن كتاب مندليف في مادة الكيمياء للصف الثالث الثانوي 2019.

أزاي أقفل مادة الكيمياء لشهادة الثانوية العامة 2019 واجيب 60 من 60

زي ما احنا عارفين ان مادة الكيمياء لشهادة الثانوية العامة بتنقسم لقسمين:

  • الكيمياء العضوية وهي الباب الخامس
  • الكيمياء الغير عضوية وهي من أول الباب الأول ولحد الباب الرابع"الكيمياء الكهربية"

أولا:الكيمياء الغير عضوية-  الباب الأول والثاني والثالث والرابع-

الباب الأول -العناصر الإنتقالية

باب العناصر الإنتقالية من كيمياء الصف الثالث الثانوي 2019 باب مهم جداً وبيحتوي على أسئلة بتشمل:

  • أسئلة الكيمياء النظرية
  • أسئلة المعادلات
  • المسائل
بيشمل أسئلة عن العناصر الإنتقالية وخاصيات "البارا وخاصية الدايا" بالإضافة لجزء السبائك وأسئلة التعليلات المهمه جداً جداً والي لازم تحفظها وتفهمها كويس أوي.

بالنسبة لمسائل الباب الأول بتكون خفيفه لطيفة نوعاً ما زي أسئلة "أحسب العزم المغناطيسي وكمان اي المعدنين بارا مغناطيسية وأيهم دايا معناطيسية وايضا أي المعدنين ملون وأي المعدنين غير ملون "

بالنسبة لمعادلات الباب الأول انا عارف انها ممكن يكونوا كتار حبتين ، ممكن يوصلوا لحوالي 45 معادلة في الباب الأول خاصة معادلا الحديد.

أزاي تحفظ معادلات الباب الأول " العناصر الإنتقالية" - معدالات الحديد لـ 3 ثانوي 2019 ؟

طبعا عشان تحفظ المعادلات الكيميائية من منهج الكيمياء لشهادة الثانوية العامة 2019 لازم تكتبهم كذا مره وتكرر فيهم وتحفظ وتعيد وتزيد وتحل وتحل وتحل وركز على الحل ها !

ملخص  الكلام ده كله : الباب الأول " العناصر الإنتقالية محتاج (مذاكرى كويسه أوي بالإضافة لحل ثم حل ثم حل ثم حل واخيراً أنك تراجع عليه بإستمرار ومش تسيبه وتتلهي في بافي الأبواب !

الباب الثاني - التحليل الكيميائي


الباب الثاني من منهج الكيمياء لـ 3 ثانوي 2019 أسمه باب التحليل الكيميائي وهو باب صغير وبيتميز أن أسئلة النظري في الباب ده يعني فليلة الي حد ما مقارنةً طبعا مع باقي الأبواب لاكن ميغركش أن أسئلته صغيره لأن الأسئلة دي مهمه جداً ولازم تتذاكر كويس أوي أوي.

باب التحليل الكيمياء من كيمياء الصف الثالث الثانوي 2019 باب مليان معادلات   عن "التجارب الأساسية والتجارب التأكيدية "
 وطبعا لازم تحفظ المعادلات دي كويس اوي أوي وتكون عارف نتائج الكشف عن الكتيوينات والأنيونات ... هيساعدك أوي في حفظ المعدلات دي ولازم طبعا تكون عارف تميز بين ألوان الرواب والأبخرة !

خلينا متفقين أن الكيمياء من المواد الي لازم تحل 4 مرات وتذاكر مره عشان تثبت المعلومة ودي أول ملاحظة = حل+ حل + حل+ حل+ مذاكرة = نجاح وتفوق في مادة الكيمياء لشهادة الثانوية العامة 2019.
بنصحك أنك تجيب كراسة صغيره تجمع فيها كل المعدلات  وبكده هتكون جمعة أكتر من 90% من معادلات الكيمياء للابواب الأربعة الغير عضوية من منهج الكيمياء للصف الثالث الثانوي 2019.

عدد أبواب الكيمياء للصف الثالث الثانوي 2019

5 أبواب مقمسين كالآتي:

  1. الباب الأول - العناصر الإنتقالية
  2. الباب الثاني - التحليل الكيميائي
  3. الباب الثالث- الإتزان الكيميائي
  4. الباب الرابع - الكيمياء الكهربية
  5. الباب الخامس - الكيمياء العضوية

وهكذا في كل الأبواب المتبقية عشان منطولش عليكم بقا هنرجع للمذكرة وهي مذكرة الحسام والي بتحتوي عن مقدمه عن منهج الكيمياء للصف الثالث الثانوي 2019 وتقدر تحملها طبعا  من الرابط الموجود بالأسفل.


تحميل مذكرة الحسام في تأسيس مادة الكيمياء لشهادة الثانوية العامة 2019

مواصفات مذكرة الحسام في تأسيس مادة الكيمياء لشهادة الثانوية العامة 2019


  •  المذكرة تحتوي على مقدمه في الكيمياء الصف الثالث الثانوي 2019
  • اعداد الاستاذ: حسام السويفي 
  • عدد الصفحات : 15 
  • الصيغة : pdf
الآن يمكنكم تحميل المذكرة

رابط التحميل أضغط هنا لتحميل مذكرة الحسام في الكيمياء للصف الثالث الثانوي 2019

لا تفوت هذه الإجابات

إجابات كتاب المعاصر لـ3 ثانوي كتاب الشرح في اللغة الانجليزية 2019
إجابات كتاب ذا بيست the best لـ3 ثانوي كتاب الشرح في اللغة الانجليزية 2019
إجابات كتاب بت باي بت bit by bit لـ3 ثانوي كتاب الشرح في اللغة الانجليزية 2019
إجابات كتاب سربريز لشهادة الثانوية العامة 2019 كتاب الشرح
إجابات كتاب جيم gem لـ3 ثانوي كتاب الشرح في اللغة الانجليزية 2019
اجابات كتاب مهارات ماي نيو فرند 3 ث 2019
ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة