الدراسة في الخارج

هل يمكنني تحسين مجموعي وإعادة الثانوية العامة ؟ تم الإجابة

طلاب الصف الثالث الثانوي أهلا ومرحبا بكم في موقعكم التعليمي الأول “إي بوك”.. كتير منكم بعد ما خلص شهادة الثانوية العامة والتوفيق لم يحالفهوفي نتيجة الثانوية العامة أو حصل معاه ظروف بيبحث عن فرصة ثانية فرصة يعوض بيها الي ضاع ويحسن بيها مجموعه ومستواه.. فبيدور ويسئل ويتسائل !.. ” هو انا ممكن احسن مجموعي او أعيد الثانوية العامة؟”

هل ينفع أحسن مجموعي وأدخل كلية قمة في مصر أو خارج مصر


هو انا ممكن أحسن مجموعي أو أعيد الثانوية العامة ؟

الإجابة: بالنسبة لداخل مصر فنظام تحسين المجموع تم الغائه تقريبا  من عام 2012 وده نظام كان بيخليك تقدر تعيد امتحانات الثانوية العامة في خلال سنة وتحسن مجموعك حتي لو كنت ناجح ..لاكن تم الغائه بجمهورية مصر العربية بالتالي لا يمكنك تحسين مجموعك بمصر ما دمت ناجح في شهادة الثانوية العامة ولو حتى بمجموع 50% ما دمت ناجح خلاص مش هتقدر تحسن وده طبقا للنظام الحالي المطبق في وزارة التربية والتعليم المصرية.

هل في طرق بديله لإعادة الثانوية العامة أو لدخول كليات القمة رغم صغر المجموع؟

أولاً الطرق البديلة لتحسين وإعادة شهادة الثانوية العامة

تقدر تعيد شهادة الثانوية العامة بره مصر مش داخلها مثل ” تحسين المجموع بدولة السودان ” أو إعادة الثانوية العامة بالسودان والحصول على شهادة الثانوية العامة السودانية والتنسيق بها في مصر..

الشروط:

  1. تكون ناجح في الصف الثالث الثانوي في مصر وده الأولى لأن الائحة بتتغير كل سنة 
  2. بالنسبة لو راسب أو قاسم مواد بالصف الثالث الثانوي راجع قوانين الائحة لانها بتتغير كل عام فممكن العام ده تقدر تحسن وتعيد الصف الثالث فقط وممكن القوانين تفرض عليك عشان تحسن لازم تاخد  الصف الثاني الثانوي السوداني وتنجح وتترقى للصف الثالث السوداني وتحسن أو تعيد
  3. لا تنسق في مصر بالشهادة المصرية .. ! وده لانك لو نسقت بالشهادة المصرية مش هتقدر تنسق بالشهادة العربية السودانية لأن مكتب التنسيق بيسمح ليك بالتنسيق بشهادة وحده فانت بتنسق أول عن آخر بالشهادة السودانية  لذالك لو نسقت بالشهادة المصرية وحاببت تعيد الشهادة السودانية وتدخل كليات بجمهورية مصر العربية ..للأسف مش هتقدر !!
  4. قضاء مدة لا تقل عن 6 أشهر بالسودان والشرط ده مشروط من قبل مكتب التنسيق هنا في مصر عشان ينسق ليك كلية حكومية  يعني ممكن تروح على أول شهر 10 للسودان ده لو عايز تقضي 6 شهور فقط وده مش بنصح بيه لأنك انت كده الوقت هيكون ضيق معاك عشان المذاكرة فلو متاح ليك تروح بدري شوية مفيش مشاكل هيكون جميل خالص وفي صالحك!

نصائح:

  • مترحش مع مكاتب غير موثوقه لأنها ممكن تكون نصابة
  • يفضل تروح مع جماعه موثوقين دون اللجوء الي المكاتب الي بتسفر الطلاب لأنك مش ضامن هيضحكوا عليك أو لا هينصبو أو لا وغالباً بتكون مصاريفهم غالية عشان العمولة الي بيخدوها ..!
  • لو رايح وعامل في حسابك أن الثانوية السودانية سهلة مترحش !! مترحش ودي نصيحتي ليك لانك لو مش مستعد تتعب وتعوض فلوس والدك ووالدتك وتجد وتجتهد وتيجي على نفسك كتير أوي أوي وتصبر وتصابر عشان تحقق حلمك لأن مفيش حاجه بالساهل .. لو مش مستعد تعمل كل ده يبقا مترحش أفضل ووفر فلوس والدك..
  • من أول يوم تروح فيه ذاكر ونظم وقتك وأعرف أنك في مهمه رسمية “تكون أو لا تكون”
  • أبعد عن المشاكل
  • متحاولش تحتك بحد أو تعتمد عليه لأن كل الطلاب هناك بتضحك على بعضها أيوة بالظبط كله بيضحك على بعضه وبيغش بعضه عشان يفسدك أنت وينجح هو !

التأشيرة السودانية للمصريين ” التأشيره السياحية والتأشيرة الدراسية “

التأشيره دي لمين ؟

أولاً: التاشيرة بتكون للشباب تقريبا من عمر 18 سنة وحتي 49 سنة  وفي قرار نزل السنة دي تقريباً خلوها من 17 سنة أما بالنسبة للسيدات والفتيات مش ليهم أي تاشيره للسفر للسودان وبيسافروا عادي خالص.

سعر التأشيره السودانية للمصريين كم ؟

  • التأشيره مجانية تماماً

مدة إستخراج التاشيرة السودانية للمصريين ؟

  • تقريباً أسبوع

مقر السفارة السودانية والقنصلية السودانية بجمهورية مصر العربية ؟

عنوان السفارة السودانية بالجيزة ” القاهرة ؟؟

  • 8 أحمد الشاطوري، الدقي، الدقى، الجيزة
ايضاُ توجد قنصلية بمحافظة الإسكندرية

رقم سفارة السودان بالقاهرة؟

(+20) 2 2794 9661 (+20) 2 2794 0364

 اي التأشيرات المتاحة ليك كـ طالب؟

بالنسبة لتأشيرة السفر”فيزا السفر ” متاح ليك تأشيرتين:

  1. التأشيرة الدراسية ودي لازم يكون حد هناك مسجلك في مدرسة وباعتلك دعوة عن طريق السفارة .
  2. التاشيرة السياحية ودي بتعملها عن طريق السفارة ومش بتشترط بدعوة ودي ممكن تعملها وتسافر بيها وهناك في السودان تغير نوعها من سياحية لدراسية ودي الي بنصح بيها لو هتسافر لوحدك بدون مكاتب.

متطلبات إستخراج التاشيرة

  1. جواز سفر ساري
  2. تصريح أمني لو 19 فما فوق
  3. صورتين 4 في 6  بخلفية بيضاء

ولو في أي إستفسار تقدر تسألونا وبإذن الله هجاوبكم في التعليقات بالأسفل

أما بقا لو مش عايز تعيد الثانوية العامة أو تحسن مجموعك وعايز تدخل كلية على طول وتكون كلية من كليات القمة معتمدة وتيجي  تتوظف هنا في مصر فطبعاً في طرق كتير للموضوع ده زي أنك :
 تدخل كلية بالسودان – غالية
تسافر وتدرس بره مصر زي دولة روسيا والي بتكون أرخص شوية
هنتكلم عن كل ده في مقالات قادمة بإذن الله ، تابعونا ومتنسوش تشاركوا المقالة مع زمايلكم ♥
الوسوم
اظهر المزيد

مُحمد علي

مُحمد علي : طالب بكلية الطب ومؤسس إي بوك التعليمي رقم الهاتف :- +79997892097

مقالات ذات صلة

‫47 تعليقات

  1. طيب اللي واخد ثانوية عامة من دولة عربية مش من مصر وعمل معادلة و دخل كلية يقدر يعيد ثانوية عامة في مصر ولا ماينفعش

    1. ممكن اه
      لاكن لمزيد من التفاصيل والتأكيد يجب عليكم التواصل مع وزارة التربية والتعليم المصرية من خلال موقعها وسوف يتم الرد عليكم من قبل متخصصين

        1. طب اللي معاه ملحق واحد ومرحش يمتحنه ق الدور التاني ، يعيد السنه كامله ولا يعيد السنه علشان مادة واحده

  2. سؤال بعد اذنكم لو انا جايب مجموع قليل في الثانويه ومعايا ٣ ملاحق وعايز اعيد السنه كلها من جديد اعمل ايه

      1. انا رسبت في المجموع الكلي ونزلت في تلت مواد دلوقتي اعيد السنه كلها ولا المواد اللي نزلت فيها بس

    1. معلش جاوبوني
      انا في تالته ثانوي علمي رياضه دخلت ٣ مواد بس وهما عربي فرنسي كميا وجبت فيهم مجموع قليل ومدخلتش المواد الباقيه
      ارجوكوم ساعدوني وقلولي ازاي اعيد السنه كامله وانا عن نفسي مستعد لأي حل ايا كان هوه

  3. طب انا خلصت ثانويه عامه ومجموعي مش هيدخلني الكليه إلى انا عاوزاها اقدر اعيد الثانويه تاني واقدر اعمل ايه لو هعيدها

      1. انا مجموعي 53%ومعايه احياء وفزياء ملاحق وساقط في كل ماده علي درجتين وعاوز اعيد السنه ينفع اعيدها في كل المواد في مصر وادفع فلوس للوزاره

      1. انا مجموعي 53%ومعايه احياء وفزياء ملاحق وساقط في كل ماده علي درجتين وعاوز اعيد السنه ينفع اعيدها في كل المواد في مصر وادفع فلوس للوزاره
        مهو انا عاوزه تعليم حكومي مش خاص

  4. طيب انا علمي رياضه دخلت ٣ مواد وجبت فيهم مجموع قليل ومرحتش الباقي ايه هوه الحل عشان اعيد السنه كلها
    ارجو الرد

      1. سلام عليكم عليكم .. انا مقيم في السعوديه وبنتي اخدت الثانويه العامه من مصر السنه دي وجايبه مجموع مش كويس .. اقدر اجيبها السعوديه واخليها تعيد الثانوية العامة؟؟ وتخدل التنسيق المصري العام القادم؟؟

    1. عايزه طريقه ادخل بيها امتحان الإنجليز تاني انا ناجحه فيه بس سايبه مواد وعايزه امتحنه ادخله من جديد فلو في طريقه ممكن حد يقولي

  5. سلام عليكم عليكم .. انا مقيم في السعوديه وبنتي اخدت الثانويه العامه من مصر السنه دي وجايبه مجموع مش كويس .. اقدر اجيبها السعوديه واخليها تعيد الثانوية العامة؟؟ وتخدل التنسيق المصري العام القادم؟؟

  6. سؤال من فضلك
    انا في تالته ثانوي علمي رياضه دخلت تلات مواد بس وجبت فيهم اقل من ٤٠% واتغيبت عن اربع مواد مدخلتش فيهم الامتحان هل ينفع اخش المواد الي انا اتغيبت فيها دور تاني وانا كده راسب مجموع هل ينفع اختار مادتين وامتحن فيهم مجموع وتتحسبلي الدرجه الفعليه في المادتين دول
    ارجو الرد

  7. السلام عليكم
    انا خلصت ثانوية عامة مصرية سنه ٢٠١٤ بمجموع ٦٧٪ شعبة علمي علوم وللأسف مكملتش تعليمي الجامعي ونفسه دلوكتي اكمل ايه الطرق المتاحة داخل مصر عندي استعداد اعيد الثانوية العامة لو ده ينفع وله فيه طرق تانية غير كدا
    ارجوا الرد إذا سمحتم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى