- Advertisement -

- Advertisement -

لحظة ظهور نتيجة الثانوية العامة – قصة طالب في الثانوية العامة

0 183

اي رد فعلي لما نتيجة الثانوية العامة ظهرت – لحظة ظهور نتيجة الثانوية العامة وتأثيرها على الطلاب

المقال ده طالب من طلاب  الثانوية العامة في الأعوام السابقة هيحكي قصته مع لحظة ظهور نتيجة الثانوية العامة واي تأثير لحظة ظهور نتيجة الثانوية العامة عليه واي تأثير لحظة ظهور نتيجة الثانوية العامة على عائلته وهل لحظة ظهور نتيجة الثانوية العامة من أروع اللحظات في حياته أم ان لحظة ظهور نتيجة الثانوية العامة من أسوء اللحظات في حياته…

انا  طالب بكلية طب جامعة الزقازيق  هحكيلكم أنهرده عن لحظة ظهور نتيجة الثانوية العامة  عن حكايتي لما كنت في 3 ثانوي .. انا كنت عارف ان نتيجة الثانوية العامة  هتظهر على الساعة 2 الظهر، فسهرت بالليل اليوم اللى قبلها علشان حد يصحينى او كدا لما انام واصحا ويكونوا هما جابوها وعشان مش أشوف اللحظة دي

المهم صحيت الساعة 1 الضهر … لقيت النور قاطع فى البلد.من الفجر …! وبالمناسبة فضل قاطع اليوم دا لحد  المغرب  ومكنشي عندي  باقت أنترنت ..! فأخدت تليفون بابا  علشان أحاول افتح  موقع نتيجة الثانوية العامة لاكن للأسف  مكنش راضى يفتح ..!

كل شوية بحاول بحاول  مع موقع النتيجة وللأسف مش راضي يفتح !  واختى برا فى الامارات معاها الرقم بس خايفة تدخل تجبها .. فالمهم واحد صاحبي اللى قاعد ورايا فى اللجنة جابها وكتبلى بكلام متقطع انى جبت 405.5  واهلى قاعدين معايا فى الصالة .. شافوا وشى اتغير وكدا فقلقوا وقالوا كام  وكدا قولتلهم..  لسه ….كنت خايف افرحهم عالفاضى وفى نفس الوقت كلام صاحبى كان متقطع ….هو كمان كان جايب 403 ومكنش عارف يكتب من الفرحة وكدا .. فمكنتش عاوزهم يزعلوا بعد فرح .. المهم عرفت وسكت وهم مستنيين .. وفى الوقت دا اختى جالها الجرأة ودخلت جابتها ورنت على ابويا وهى بتعيط وكدا وأولدها بيهيصوا ..!

المهم جه بقا يقولولى عالنتيجة انى جبت 405.5 في الثانوية العامة  قولتلهم انا كنت عارف اصلا ببرود … وابويا فضل يلف فى البيت ويقول الله اكبر ويصرخ بصوووت عاااااالى حتى انا كنت خايف عليه جدا .. وامى نزلت الشارع من غير خمار مالفرحة والشارع كله اتلم وفضلوا يسلموا عليا وكدا وانا اقلهم هتسلموا على دكتور كدا عادى … وكان يوم هو اجمل يوم فى حياتى على الاطلاق سواء الأيام الي عدة أو الي جيه..!

ودلوقتى مخلص امتحانات ترم اول اولى طب الزقازيق نظام جديد ، انا كتبت الكلام دع كله عشان ممكن يدى دفعة لحد ويكون سبب انه مييئسش .. عاوز اقول برضو ان اللى بيتعب هيلاقي حتى لو شايف ان هو متعبش فهو اكيد تعب لان مفيش حد في ثانوى لو جاب ١٠% ميستحقش انه يتقال عليه بطل … خليك دايما فخور بنفسك انك دخلت حاجة زى كدا سواء جبت او مجبتش .. انت هتحس الاحساس دا فى اخر امتحان ليك انك تطلع كدا حاسس ان مفيش بعد كدا كان ممكن تعمله دا احساس بالدنيا … الدقيقة اللى بتذاكرها دلوقت حتى لو انت سرحان والله بتفرق بعدين .. لو ذاكرتها وانت اصلا مش عااارف مادة اى دى … بتفرق بعدين .. انا عارف ان الوقت دا اصعب وقت فى السنة بس كله بيعدى منه .. كله بيرجع بعد كدا يشد ويذاكر زى اول السنة .. بس الفرق انك تطلع منه اقوى من حد تانى وانك تطلع من شهر نوفمبر و ديسمبر لامم موادك اكتر من حد تانى .

ودلوقتي الأول على الثانوية العامة 2019   بيمر بنفس مشاكلك والله العظيم ويمكن اكتر.. وعايش نفس الضغط ..! وبيضيع منه وقت كتير زيك بالظبط..! لاكن هو فى وقت من السنة هيلم نفسه قبل الكل وهيسبق الكل … ربنا معاكم ..
 دمتم مكافحين  إن شاء الله.

دكتور:محمد محمود البدوي
كلية الطب البشري
ثانوية عامة 2018

لحظة ظهور نتيجة الثانوية العامة – حكاية طالب ثانوية عامة

- Advertisement -