مشاكل وحلولنصائح وتحفيز

ثانوية عامة ،أُحبَطت وعايز أءجل ؟

ثانوية عامة ،أُحبَطت وعايز أءجل ؟

ثانوية عامة ،أُحبَطت وعايز أءجل ؟

إذًا سؤالي لك هيكون في نقطتين 👀
أُحبَطت ليه ؟ 😯
ومتعشِّم ايه يحصلك لما تأجل ؟ 😕

  • واحد بيقول:

أُحبَطت علشان حاطط ف دماغي اطلع من الاوائل وحاسس انها بعيدة بالنسبة لمجهودي !

  • واحد تاني بيقول
    مش راضي عن مذاكرتي اطلاقًا ودا سبب إحباطي !
  • واحد تالت بيقول
    شكلي مخدتش ع المناهج ولا الاسئلة محتاجين نقضي وقت مع بعض
  • (دي اسباب حقيقية على فكرة مش من وحي خيالي )

طيب واحدة واحدة ع نفسك كده واستعذ بالله من الشيطان الرچيم ..

ليه طلبت منك كده بس الاول ؟!

بص الاية دي بتقول ايه
“الشيطان يعدكم الفقر …”

👈👈ركز كده

انت خلاص دخلت السنة دي وف الاول كان طموحك عالي وبالفعل كنت بتذاكر حتى لو قليل او بتدلع !
ايه ال حصل دلوقتي ؟!

👈🙄انا مش شايفة غير ان الشيطان استلمك وقاعد يخوفك ويقولك انت فين وهدفك فيييين ؟!
انت شايف فلان بيجاوب ازاي ؟
طب شايف الاول ع الجمهورية كان جايب كام ؟
طب شايف صاحبك الانتيم ولا زميل ابتدائي بيدح ازاي ….انت فين من كل ده ؟!
ويقارنك بغيرك ويقلل من نفسك …

ويشتغل على هذا المنوال لحد ما يوريك((( فقرك بين عينيك ! )))

وگ نتيجة طبيعية لما سبق

حضرتك بتقول بسسس انا صفر وولا حاجة والثانوية دي عايزة حد عملاق او تنين او كائن فضائي ..وتسرح بخيالك وتيجي جاااي على تاني نقطة في كلامنا👇👇
وتقول أنا هأججججحل …
ليه ي ابني ؟!
هو كده …
وشوية تعيط وشوية تقولهم مش عارف حاجة

وانت أصلا أصلا مضحوووك عليك ومصدق نفسك !

اه والله !

فوق بس كده شوية

انا جيالك من المستقبل يعني مريت بسنة العمالقة بتاعتك دي
وهي سنة زي اي سنة عايزة مجهود ومذاكرة بإتقان وبس ..
مش بتعمل كده…هقولك والله ممرش عليا سنة حد نجح فيها بالتمني او من غير ادنى مجهود ..

طيب والحل اييييه ؟!

بكل بساطة
انا لو واقفة قدام عمارة من عشرين دور وليا على السطوح مفاجأة والدي وضعهالي ومش قالي عليها …ولا اي تفاصيل حتى !

انا دلوقتي فين ؟
في الدور الأرضي …
المشوار طويل ولا لاء ؟
طويييييل !
محتاج مجهود ؟
بالتأكيد !
يستاهل ؟!
طبعاااا
لو شيء تافه مستنيني ع السطوح بعد المجهود ده هطلع ؟!
اكيد لا !
يعني كأني وصلتك في الاخر انك تقولي :
ان ال هيخليني استمر في المجهود ده واحاول اوصل “””واصبر””” ع الوصول بأي طريقة ؟!
حاجتين
الاول :ان فيه مفاجأة مستنياني و متحمسة اني اوصلها
التاني : ان اي شيء “يستاهل” محتاج مجهود اصلا …

**وإلا كان أي حد وصل لكل الحاجات الجميلة المميزة بسهولة ..ومكنتش الحاجات دي تستاهل نتعب تفكيرنا في الوصول ليها حتى!
(معروف ان الشيء سهل الوصول مش مرغوب فيه !)
If it were easy , every one would do it .

إذا بكل بساطة
انت ال بترسم نتيجتك بإيدك بس بشرررررط

‘انك تركز ع المجهووووووود “***

لكن لو ركزت ع النتيجة =هتعجزززك !
وهتحس ان المشوار اطول مما تتخيل والوصول مستحيل …
لكن !
ركز بس على المجهود وأحسن الظن بالله وقصاد كل كام خطوة افرح بالانجاز ده …اعطي لنفسك فرصة تقدَّر قيمة نفسك ،انت كده هتكون صح ،غير كده مغفل !

طيب هقولك ع حاجة تانية

عايز تستسلم انا معاك ..استسلم بس استسلم وانت لسه بتحارب ما دام فيك روح …
قاوم لآخر لحظة …
Don’t give up without A Fight .

استسلم بشرف مش بضعف ..
وانت بتحاول وبتقاوم هواك والضغوطات وكل الدوشة ال حواليك دي …اوعدك ما دمت بتقااوم هتوصل بإذن الله …
خلي عندك ثقة دايما في الله .
قل لنفسك وانت بتقاوم وتخالف هواك أن الله لن يضيعك أبدًا .
“والذين جاهدوا فينا لنَهدِيَنَّهم سُبُلَنا “
ربنا يوعدك بأنه هيهديك السبيل ..ال فيه رضاه ورضاك ! محتاج حاجة تانية ؟!

نيجي للأخ ال بيقول ان مخدش ع المنهج والاسئلة وعايز يحضر دكتوراه في المواد ودا سبب تأجيله …عايز يطلع الأول بتفكيره ده !

طيب في سنة من السنين ضافوا أجزاء جديدة في المنهج ..
لو انت كنت على السنة دي وبالعقلية دي كنت هتأجل كمان سنة ..
وتاخد بقى في 3سنين 😂
ع أمل انك حاطط ف دماغك ان ف الحالة دي هتدخل الامتحانات مش قلقان وواثق من نفسك والدنيا تمااام ..
لا روح نام بقى وكمل أحلامك لان خيالك واسع اوووي ..
مين قالك ان الظروف دي كلها مضمونة ؟!
مين قالك ان ظروفك الصحية والاجتماعية والمادية هتكون بنفس الوضع ؟!
معقول ضامن كل ده ؟!
طب ازاي وانت اللحظة الجاية دي انت مش عارف هتكون حي ولا ميت ..لان دا مش بإيدك أصلا !

التأجيل ان مكنش في ظروف قاااسية زي المرض او الوضع السيء جدا او …. انا مش انصحك بيه اطلاقا …
بتضيع سنين من عمرك ف الفاضي

ليه ؟

لحد الثانوى دا عالم ..ومن الكلية لما بعدها عالم تانى خاااالص
الثانوية دى زي بيتنا بالظبط ومن الكلية لما بعدها بيمثلها كل حاجة خارج بيتنا …
بمعنى
👋👋الثانوية مش مكان لاثبات مكانتك أصلا (زي ما مدرسين الثانوى زارعينه ف دماغكم وكل شوية بيرشوه بماية علشان يكبر 😂)..
انت كل ال محتاجه منها انك تجيب المجموع ال يدخلك الكلية ال نفسك فيها وخلاص …ايه يعنى الاول ع الثانوية !!!! السنة ال فاتت وال قبلها كان خمسين واحد مكررين في الأوائل …دا شيء مميز يخليك تنتحر لو” شاكك” انك مش هتوصله ؟!
‏مااعتقدش !

ومادام الله قدرلك انك ف السنة دي 3ث يبقى تعيش للسنة دي ع انها 3ث وتحسن التوكل عليه وبس !

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق