الصف الثالث الثانوينصائح وتحفيز

أذاكر وانظم وقتي ازاي في رمضان ؟ نصائح في كبسولة لطلاب الثانوية العامة💪

أذاكر وانظم وقتي ازاي في رمضان ؟ نصائح في كبسولة لطلاب الثانوية العامة💪

أذاكر وانظم وقتي ازاي في رمضان ؟ نصائح في كبسولة لطلاب الثانوية العامة💪

أووووووبس !

رمضان هعمل فيه ايه !
هذاكر ازاي؟
هروح دروسي ازاي ف الحر ؟
انام طول النهار ..والليل هاكل واتقل وانام ..وقتي ضااااع 💔💔💔؟
هصلي التراويح ولا هضيع مني رمضان 💔؟

بسسسسس كفاية صدعتني😒 ..اسمعني بقا👂 وبطل دوشة 👊
هكلمك ف كذا نقطة ف العموم وبعدين ارتبلك خطتك ف نقاط ..

خليك معاية 👀
كل عام وانت \أنتِ بخير الأول !🌼🌼

_اول ما دخلت الكلية دخلنا دكتور شاب في سيشن عن طريقة المذاكرة في الجامعة ..بيقولنا انا استايل حياتي ف الامتحانات كان منظم جدااا ومريح جداااا
سألنا تعرفوا ممكن ده يحصل ازاي ؟
قولناله عايزين الطريقه 😌
قالنا كنت بصوم معظم شهر الامتحانات 😯🐼/strong>򛰽򛰼/span>
دا بجد؟!
قالنا فكروا كده !
⚡يوم منظم اكتر من 9 ساعات صيام لا بتشغل نفسك بفطار ولا غداء ولا عشاء …هما واجبتين متقاربين بالليل وخلصنا …انا مش فاضي للأكل ..انا عندي هدف بدور عليه !
⚡غير ان المذاكرة على امتلاء المعدة مش شيء مضمون ..غالبا بتاكلو وتناموا 😂
⚡بيبدأ يومي من بعد ما اصلي الفجر للظهر بيكون حوالي 7 ساعات مذاكرة ..
⚡اريح شوية الظهر واقوم اكمل لقبل للمغرب ..
⚡افطر واراجع ع مذاكرة اليوم وانام واصحى ع قبل الفجر اتسحر واصلي وهكذا …

👋الترم ال جبت فيه امتياز بعدها كنت منفذة الخطة دي بعد ما شجعني عليها ..مستني ايييه ..شمر يلا وتعالى معاية 💪💪💪


🔻طب انت رمضان قالقك ف ايه ؟

❔هتحس بالجوع ؟
🔷اتسحر كويس !
❔هتحس بالعطش ؟
🔷متأكلش حوادق ف السحور ..كل زبادي او بطيخ واشرب كمية مياه كافية ..
❔هتحس بالتعب من الدروس ؟
🔷مش هيحصل غير لو حطيت في دماغك 🔷ووهمت نفسك …
🔷وبالعكس ..الدروس دي هي ال هتلهيك ومش هتحسسك بوقت الصيام ..
❓خايف يضيع منك ومتعرفش تستغله ومش عايز تفوت صلاة التراويح ؟
متقلقش وركز بس في مذاكرتك يا بطلنا
🔷👏أصلا أصلا مذاكرتك عبادة ..
🔶👋سيدنا عمر بن الخطاب مدح في أخو الشخص ال كان بيشتغل علشان يصرف على أهل بيته وذمه هو علشان مفرغ نفسه للعبادة ف المسجد !
🔷🔑ثم إن صلاة التراويح حاليا في مصر بعد القوانين الجديدة ماشية تبع قانون (شقلب واقلب ) ال هو ربع ساعة ..نص سااعة بالكتير وتلاقي المسجد مخلص صلاة !
ف متفرطش في صلاة التراويح ي طيب ،روح صلِّ وادعِ وعش روحانيات رمضان وأنتِ كمان يا طيبة وف الوقت ده عيشه وفرغ ذهنك من المذاكرة ..اتعامل بمنطق” افصل “….هكلمك عنه بعدين 😌…
🌠✨🔶عندي ف بلدي شاب من سنة كان بيمتحن في ثانوية عامة ف رمضان كان دايما يصلي بالناس التراويح وما شاء الله دخل أسنان 🌼


↩👏👏طيب يلا نقول الخطة 👀👀

↩أولا معطياتنا
⬅يومك المفروض انه هيكون عبارة عن دروس ومذاكرة ..صح ؟
🔷طيب حلو اوووي …
🔑عندنا خطتين علشان نناسب كل الناس ..
خلينا نبدأ من بداية الفطار علشان اخليك سعيد بالخطة 😌
1_🎀صلاة المغرب وافطر ..وقت بين المغرب والعشا كتير بيغفلوا فيه ..متضيعهوش …مش هقولك ذاكر لا ..افتح المصحف واقرأ جزء او لحد ما الوقت يجيبك وتسمع أذان العشا ..احنا اتفقنا اننا مش هنضيع مننا رمضان
2_🎀صلاة العشاء بالتراويح والمشوار اللذيذ يمكن اقصاه ساعة ونص ..
3 _🎀ماذا بعد التراويح ؟ عندك من ساعتين لتلات ساعات تذاكر او تحل فيهم حسب استطاعتك ..وانا أرجحلك حل امتحانات !
4_🎀 تخلص رقم 3 وتظبط منبهك على قبل الفجر بساعة وتنام … تصحى بأي طريقةتتسحر براحتك(الملايكة بتستغفرلك وانت بتتسحر واكثر من الاستغفار في الوقت ده علشان ربنا قال “والمستغفرين بالاسحار “) وصلي ركعتين (ما احنا اتفقنا اننا مش هنضيعه ❤) وتصلي الفجر وتقول أذكارك وتقرأ ولو نص جزأ “وقرآن الفجر إن قرآن الفجر كان مشهودًا ” #الإسراء ويلا نبدأ بسم الله في الخطة
📝يومنا هنقسمه تلات محطات
من بعد الفجر للظهر دي أهم محطة ودي سلاحك ..
5_⛅من الفجر للظهر فيها وقت مش اقل من 7 ساعات حاول متخليش فيها دروس وخليها مذاكرة بس قبل ما تفصل بقية اليوم ..(مش محتاجني اقولك عن قيمة وقت الفجر ومدى اهميته وقوته في المذاكرة ..لكن لو عايز اسأل وانا هجاوبك في التعليقات )
6 _🌓من الظهر للمغرب ابدأ دروسك والوقت الفاضي ذاكر فيه للدروس او حاجة مأجلها أو حل …
وهكذا نرجع لفوق تاني
🌞🌞يبقى انت كده من يوم 24 ساعة هيكون ليك 10 ساعات مذاكرة ..وتسلي صيامك بالدروس ف الوقت الباقي من اليوم …


🌠✨👏خطتنا خلصت بس ركز في ال جاي علشان هرعبك👻 🙈🙈

👋👈بص هقولك ع حاجة ..لو مش متعود تصحى بعد الفجر وتذاكر متتخيلش ان حاجة زي دي هتحصل من يوم وليلة ! 😏
🔷لان منطقي ان البداية تكون صعبة ..لكن ما دام عندك إصرار توصل …اقدر اقولك انت ممكن متنامش اصلا في سبيل الهدف ده ! ودي ثقة في الوصول وهتوصل بإذن الله ♥
👈😎😎خليك عارف ان من بداية رمضان كل يوم بتعصي فيه هواك وبتعمل ال في مصلحتك ..بتتقدم أميال لهدفك ..حتى لو مكنتش حاسس او لامس ده ..خليك على ثقة انك ما دام ع الطريق الصحيح حتى لو ماشي ببطء =مسيرك هتوصل …
لكن لو ع الطريق الخطأ لو حتى طاير =هينفعك بإيه !!!!؟؟؟؟؟؟
👈👈أنا قولتلك هواك مقولتلكش الشيطان!!!! ..لان احنا في رمضان يا جميل (وكل سنة وانت طيب تاني 😉😉😉😉🌼)تصفد وتُقَيَّد الشياطين أصلا !
👏👏يعني دي فرصة من دهب علشان تقوَّم نفسك وتخليها تساعدك متكونش ضدك ..
👀اقولك على دليل يقنعك بمدى خطورة هواك ال انت بتطاوعه ده وماشي بمفهوم مزاجك بيقولك ايه النهارده ؟
💔فيه آيتين مرعبين عن اتباع الهوى

👈#سورة النازعات
“وأما من خاف مقام ربه ونهى النفس عن الهوى فإن الجنة هي المأوى ”
😱انت متخيل ان طاعة هواك ممكن تدخلك النار !
😞😞لا بل فيه وصف اكثر رعبا من ده
#سورة الجاثية
👈”أفرأيت من اتخذ إلهه هواه ؟”

🔷دا خطاب للنبي _صلى الله عليه وسلم _وكأن الله بيقوله طاعتك ليا علشان معرفتك اني الإله ..هي نفس طاعتهم لهواههم لأنهم اتخذوه إله!!! ..
🔷مش مجرد بيسمعوا كلام هواهم مرة ولا اتنين ..لا دا اي حاجة وكل حاجة بيتبعوا هواهم …🔹نأخر الصلاة النهاردة اصلي مكسل ! …=وماله
🔹طب مش هذاكر النهارده اصلي مش في المود ومليش مزاج …=وماله !
🔹طب هفتح السوشال اشوف طنط فتكات منزلة ايه النهارده ع الانستجرام …=وماله !
🔹طب افتح فيس اخليهم يدعولي ويمعلشوني شوية ..=يا عم وماااله !
🔷🔷من الآخر كده ربنا بيقول للنبي متتعبش نفسك معاهم ..انت بتنصح من لا يسمع ولا يريد حتى ..مين دا يا رب ؟
🔶دا الشخص ال ماشي تبع مزاجه وموده !
مش تبع مصلحته وتبع الصح !
🔶شخص سجين لهواه ..متحررش بعبوديتي وطاعتي ال هي مصلحته وصلاحه في الاساس ..ما انا ال خالقه !!!

✔خلصنا من النقطة دي اكيد ..يا ريت تكون عرفت مين عدوك وتعصيه

💨💡أقولك ؟
👂تعرف تعطي ودنك او أُذُنك للصوت ده ..
👈جربها كده ..هتستمتع جداااا
🔹شوف هواك بيقولك ايه واعمل عكسه
🔶انا مثلا دلوقتي عندي مذاكرة 4محاضرات ومزاجي بيقولي خليهم بكرا …=طب والله ما دام دا ال يريحك ..مش نايمة غير لما اذاكرهم ويا انا يا انت ي مزاجي 😎👀
🔶طب نامي ع غير وضوء النهارده ..لسه هتتحركي ووو..=انت بتقول ايه ي مزاجي ؟
👂سمعتك !
=طب والله لخليك تندم ع ال بتقوله ده 🔹وهقوم و🔹اتوضى و🔹اصلي ركعتين قبل ما انام كمان ..
😇وكسبتك 2_0 ولسه ال جاي ي سي مزاجي 😕

❓حلو الماتش ده ؟
❓عايز تضمن الفوز ف كل مرة ؟

🔷طب ما انا معاية ليك واسطة يا غالي 😉
❓من مين ؟
🔷من الله ..من بيده أمرك كله ..وصلاح حالك كله ..وتفوقك وتوفيقك كله ! ❤
🔷🔷بيقولك اوعى تنسى دي
🌠🌠”والذين جاهدوا فينا لنهديَنَّهُم سُبُلَنا ”
✨بيقولك هتفوووووز ..
✨بيقولك هتوووووووصل
✨بيقولك هتحقق حلمككككككك
✨بيقولك خليك على الطريق ده مش تسيبه !
♦وبعدين مخالفة هواك دي هي الجهااااااد ي غالي 😊
♦والرسول قال ان الجهاد الأكبر هو جهاد النفس
⬅طب لو بقيت مع الله ؟
⬅طب لو اخدت الواسطة بتاعتي في الطريق ؟😉😊
=وضعك مختلف أكيد !
💡💡هقولكم الخطة التانية في لينك تاني علشان مطولش عليكم وعلشان دي افضل منها …ولو عندكم اي استفسار تواصلوا معنا ..في انتظاركم 👏
كل عام وانتم بخيييييير 🌼🌼🌼

ماتنساش تقرأ دول لو مش كنت قرأتهم يا بطل 💪

الوسوم
اظهر المزيد

قدس مصطفى

قدس مصطفى طالبة بإحدى الجامعات المصرية وبالعلم الشرعي من هواياتي القراءة والبرمجة اعمل بموقع اي بوك التعليمي . رقم الواتساب : 01153093342

مقالات ذات صلة

‫5 تعليقات

  1. احنا فى شهر خمسه دلوقتى ياعنى لو بدأنا بجد وعزيمه وإصرار هنلحق نجيب مجموع ولا لا. 😥😥ملحوظه صغيره كده.. انا مش مخلصه كل المناهج تقربيا ومش راضيه على نفسى. ياعنى حاسه مش هى دى المذاكره اللى هتدخلنى الامتحانات واجيب مجموع 😪

    1. هيحصل لو بطلتي تبصي لورا كتير …
      انتِ _منطقيًا_مش قدامك غير انك تسألي سؤال واحد بس ..
      ايه افضل حاجة اقدمها في الوقت ده ؟
      ودا جاوبتك عليه ف الموضوع
      لكن كإضافة واختصار للكلام …
      انسي ال فات تمااااماااا
      انسي النتيجة تمااااااما
      ركزي على افضل شيء تقدميه في كل يوم تصحي فيه وبس
      ايه ال اعمله النهارده ارضى بيه عن نفسي ؟..اسألي السؤال دا لنفسك يوميا
      انسي قصة 8 ساعات نوم دي …نومك 7 ساعات بالكتييييير اوووي
      مفيش سهر نهااااائي
      انسي حاجة اسمها سوشال ميديا
      يومك يبتدي من الفجر زي ما قولت وهتلاقي بركة ملهاش حدود في وقتك ..وذهنك صافي …واعصابك هادية تماما
      لو غصب عنك ضاع نص اليوم او حتى لقيتي نفسك الساعة 11 بالليل ..ابدأي مذاكرة واعرفي تقدري تعملي ايه في الساعة دي قبل ما تنامي …الدقيقة بتفرق ..متستقليش بالوقت
      …..

    2. حاجة تانية مهمة خودي بالك منها
      متهوليش الوقت كتير ولا تهولي من جو المذاكرة كتير ولا الكلمة بتاعة امتحااانااااات الثاانوية العااااامة والكلياااات وووووووو…كل دا كلام فاضي
      المناهج مش صعبة والمدرسين عاملين الواجب معاكم واكتر
      محتاجة تعزلي نفسك مع نفسك وتذاكري وتحلي بتركيز وبس …
      وزي ما قولتلك ركزي ع اللحظة دي وبس
      عذرا للاطالة بالتوفييييييق🌹🌹🌹

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى