أختار علمي ولا أدبي أفضل ؟

محتاااااااار ادخل علمي ولا أدبي ؟؟؟

وبعد ما نخلص من دراسة كوكتيل اولى ثانوي من فيزيا وكيميا واحياء وتاريخ وجغرافيا وفلسفة ورياضيات …

نييجي للسؤال المحير …ادخل علمي ولا أدبي ؟؟؟؟

👈لو انت جاهل بمواد العلمي …اقولك ماشي عندك حق ..واعرفك بيها واقولك شوف فيزيا كيميا احياء رياضيات دماغك شغال فيهم وبتحبهم ولا لاء …وهي مواد 3 ث من نفس القبيل مش شيء خارق !

👈او لو انت جاهل بمواد الادبي كنت برضه وضحتلك المواد وعرفتك بيها وكلمتك عنها وشوفت دماغك تميل لإيه وتتجه بدون تردد ..


👎😒لكن انت معندكش السبب دا اصلاااا لان فايدة اولى ثانوي انها تكسر حاجز الجهل وتعرفك انت ليك في ايه هل دماغك عندك فضول وشغف وحب لدراسة الرياضيات فتدخل علمي رياضة او للاحياء فتدخل علمي علوم او للفلسفة والتاريخ والجغرافيا واللغات فتدخل ادبي .


👋👋انت دلوقتي غالبا بتعاني من السبب اللعين وهو الخووووف !

بس اقولك ؟📢

  1. 👏🌸★الخوف ملوش مكان لو انت واثق ف نفسك (هنعرف دا مع بعض ف لينك تاني )

    **يعني هتوصل للشيء ال بتتمناه حتى لو معروف انه صعب وتقيل ..لكن هتوصل لمجرد انك بتحبه وتسعى إليه .**

  2. 👏🌸★الخوف ملوش مكان لو انت عارف نفسك كويس

  3. 👏🌸★الخوف ملوش مكان لو بطلت تفكر ف الناس وحررت عقلك

  4. ***مش علشان ابن خالتي دخل هندسة وطلع دكتور يبقى كمان انا لازم ادخل علمي رياضة علشان اطلع محامي …ويقولوا الظابط راح والظابط جه 😂😒!!!مفيش الكلام البايخ ده 😒..اتحرر من الناس وعش لنفسك واتعلم وافهم لنفسك علشان تبدع ف مجالك وتنفع غيرك وتبقى نفسك مش نسخة مكررة😎 !! …الناس مش هتنفعك لما تدخل طب علشانهم وتطلع طبيب فاااشل😐 !
  5. ولا هتنفعك لما تدخل ادبي وانت قدرتك ع دراسة الفلسفة والتاريخ ضعيفة ..لمجرد ان حد قالك علمي صعب رغم انك حابب الاحياء بس خوفت😑 !**
  6. 👏🌸★الخوف ملوش مكان لو عرفت قدر نفسك وأكرمتها ومش تخلي نفسك ريشة يحركها ال حواليك

  7. انت أكتر حد تعرف قدر نفسك “بل الإنسان على نفسه بصيرة ” #القيامة
  8. 👈**مش كفاية بقا نكون نُسَخ مكررة من عقليات ال حوالينا !؟

ولا موضوع انك تطلع بعقلية متخلفة زيهم شيء مثير بالنسبة لك ؟؟؟


غاااااامر علشان هدفك والشيء ال بتتمنى توصله وال بتحبه …دي المتعة فعلا ومش هتستمتع غير لما ترتقي بتفكيرك وتبعد عن التفكير المادي البحت لمعظم الناس
ولو الشيء ال بتحبه دا سهل الوصول =اوعدك مش هتستمتع وانت ف الطريق ..🙊

👏👌🌸لكن كل ما كان هدفك عظيم وبتقابلك صعوبات وبتتغلب عليها وبتقاوم دايما 💪علشان توصل للحاجة ال بتحبها ..كل ما كان الشيء ده قيمته عالية جدااااا💎 وإلا مشوفتش حد بيتعب علشان حاجة تافهة !

من الآخر وعلشان مش اطول عليك ..
★من حيث المعرفة = انت عرفت كل حاجة عن المواد ال هتدرسها سواء ف علمي او ادبي.

★من حيث الخوف = بعد كلامي انت سيد قرارك ..ي تكون نسخة مكررة ي تكون نفسسسسسك وتفهمها وتوصل بيها للمكان ال يليق بيك وال انت** شايف نفسك فيه .

اي سؤال ع بالك ف النقطة دي اسأله ف الكومنتات او الشات وهنرد عليك

15 تعليقات
  1. امل ياسين يقول

    طيب بيقول ان العلمى كل الكليات مفتوح ليه ام الأدبى كليات محدودة مع انا كان نفسى فى كلية وماجبتش مجموعها هروح كليات مش حلوة علشان كليات الأدبى محدودة ام العلمى تقدرى تدخلى الكلية الادبية ال نفسك فيه بمجموع قليل انا بجد اتلغبط كنت نفسى فى ادبى

    1. قدس مصطفى يقول

      كنت نفسك ف ادبي ؟!
      يعني انتِ دخلتي بالفعل علمي ؟!

      انتِ اخطأتي ي أمل لو كان نفسك ف ادبي ومدخلتيهوش … محدش هينفعك لما المواد العلمية ال مش مناسباكِ توترك وتتعبلك اعصابك !

      ما دام نفسك ف حاجة يبقى تدخليها لان دا هيكون قرارك وهتتحملي عواقبه بنفسك
      واي شيء محتارة فيه صلي استخارة ربنا يدلك على الخير

  2. أولي ثانوي٢٠٢٠ يقول

    انا بحب الأحياء وشاطره فيها بس النظام الحالي عبارة عن علمي علوم وعلمي رياضه مع بعض وانا معرفش هقدر عليهم سوا و لا لا لأسئلة صراحتا ف الترم الاول كانت صعبه بذاات الكيميا وانا خوفت ومش عرفه…..

    1. اسماء محمد يقول

      أنا بحب الأحياء والكيمياء في العلمى بس مابحبش الفيزياء ام الأدبى أنا بحب التاريخ ومابحبش الفلسفة ولا الجغرافيا ومعنى مابحبش الفيزياء بس انا كفلته في الامتحانات أنا نفسي ادخل علمي بس خلو العلمي علوم والعلمي رياضة واحد أنا عايزة ادخل علمي بس خايفه ماقدرش أختى نصحتنى كتير وبتقولي ادخلى ادبي علشان متندميش هى فى علمى وتعبانة من المزاكره فهى بتقولى ادخلي ادبي علشان تقدري عليه أنا مش عارفه اختار ايه

    2. مديحة يقول

      انا بحب الكيمياء والأحياء ولكن الفيزياء والرياضيات تعبانه فيهم وعايزه ادخل علمى وخايفة منهم

    3. قدس مصطفى يقول

      على فكرة انتم فاهمين علمي رياضة غلط ، او بتكلم ع نفسي ، هو مش للعباقرة ولا حاجة ، بيتشرحلك الدروس عادي جدا وبتطبقي وهما كام فكرة معروفين وبتحلي عليهم مسائل كتير علشان تحفظي الكام فكرة ال ف الدرس الواحد ، فمش تقلقي خالص

  3. اسماء محمد يقول

    أنا بحب الأحياء والكيمياء في العلمى بس مابحبش الفيزياء ام الأدبى أنا بحب التاريخ ومابحبش الفلسفة ولا الجغرافيا ومعنى مابحبش الفيزياء بس انا كفلته في الامتحانات أنا نفسي ادخل علمي بس خلو العلمي علوم والعلمي رياضة واحد أنا عايزة ادخل علمي بس خايفه ماقدرش أختى نصحتنى كتير وبتقولي ادخلى ادبي علشان متندميش هى فى علمى وتعبانة من المزاكره فهى بتقولى ادخلي ادبي علشان تقدري عليه أنا مش عارفه اختار ايه

    1. Marwa يقول

      صلي صلاه استخاره

  4. أولى ثانوي يقول

    أنا كان نفسي ادخل علمى بس بكرة الكيمياء والفيزياء فاانا محتاره أعمل أى حد بيقولى

  5. قدس مصطفى يقول

    بصي يا أسماء لو بقوك ايه رأيك في الكريب ال عملته دا وانتِ مش دوقتي كريب قبل كده ولا تعرفي طعمه او مش متقنة لطعمه … ممكن تقولي عليه وحش وتكرهيه .. مع ان الكريب ال بعمله هو نفسه ال بيعجب أي حد … بمعنى ، شعور الحب والكره مش بييجي قبل التجربة والصبر والاجتهاد، هل انتِ صبرتي كتير واجتهدتي وجبتي أخرك في الفيزياء علشان تقولي مش بتحبيها ؟
    وجهك لو اديتيله اهتمام هيديكِ جمال
    بدنك لو اديتيه عناية … هيديكِ طاقة وصحة
    وكذلك اي مادة لو اديتيها اهتمام ومجهود هتعطيكِ رضا وفرح وحب ليها … ف الحب دا نتيجة بعد صعوبات مش كلمة عادية كده
    طبقي كلامي على حاجات كتير ف حياتك ، هتلاقيه سليم جدا
    احساس الراحة بييجي بعد النوم مش بمجرد النية .. ف الشعور بييجي بعد الفعل وليس قبله
    بالتوفيق

  6. قدس مصطفى يقول

    بص في التعليقات السابقة وصلي استخارة قبل اي قرار

  7. غير معروف يقول

    نا مش بحب اي ماده من مواد الادبي و بحب العلمي بس مش بحب الكيمياء و كمان خايف من الامتحانات و النظام الجديد الاسئله بتيجي صعبه و كمان الاباء مش بيفهمه ان المواد صعبه

    1. قدس مصطفى يقول

      مادام مش بتحب المواد الأدبي يبقى متدخلش أدبي !
      وع فكرة كيميا ٣ ث سهلة جدا لو تابعت مع مدرس كويس .. انا شخصيًا حضرت الشرح بتاعها وكنت بذاكرها مذاكرة عادية ورا المستر وكان بيحل معانا ورا كل درس كم سؤال كده .. جيت بعد ما خلص المنهج شرح وكم حصة مراجعة قكعت وراجعتها مع نفسي
      لان الاسئلة افكارها ثابته وسهل تتجمع والمسائل بسيطة لو مدرسك فاهم ومش معقد .. فمش تقلق نفسك .. الكيميا دي كانت اخر حاجة تشغل بالي لانها فعلا اسئلتها مفيهاش ابداع نهائي !
      ومكررة لو حليت كم امتحان ف المراجعة هتتلم جدا

      ف لو الكيميا مشكلتك ،صدقني انت غلطان .ولو فاكرها مشكلتك ،يبقى تدخل علمي وهتتأكد ان الوضع ابسط بكتير ف الكيميا عن تخيلك ،بالتوفيق .

  8. غير معروف يقول

    انا بكرة المواد العلمية بس بحب الاحياء و محتارة ادخل اى علمى ولاادبى

  9. غير معروف يقول

    انا حلمي من زمان اني اطلع دكتورة قلب بس النظام الجديد خلا العلمي على بعضوا😔 وانا خايفة جدا جدا يعني وفي ناحية تانية مبحبش الادبي وبكرهوا
    دا حتى الادبي اللي كنا بنقول عليه حفظ بقا ف النظام الجديد كلوا فهم والله.
    اتلغبطت جدا ومش عارفة اعمل اي كل يوم افكر قصدي كل ساعة افكر وكل دقيقة وخلاص لينك التسجيل نزل من بدري وانا عايزة آخد قرار نهائي اخش اي مش عارفة؟؟؟؟
    ارجوكم ردوا عليا بسرعة جدا لاني محتاجة لحد ينصحني اعمل اي،،،ردكم هيفيدني

اترك رد

لن يتم نشر عنوان بريدك الإلكتروني.