ازاي أكتشف شغفي واحقق طموحي؟ كورس “عش بشغف”

كورس عش بشغف من منصة ندرس

كتير جدا مننا لسه لحد الان معرفش يوصل لشغفه ويحقق طموحه! وكتير مننا بيضيع وقته في الندم! علي إنه بيجرب حاجات كتيرة ولسه موصلش لشغفه او الحاجه الي هو مخلوق عشانها! وكمان اللي عمال يجرب حاجات كتيرة ومش لاقي نفسه في أي حاجه منها خالص! ده غير أنه فقد الأمل في انه يلاقي شغفه!
بس قبل ما نلوم نفسنا ونيأس ف عدم العثور على الشغف او الطموح الخاص بينا! خليني اقلكم كم حاجه:-

  • الشغف ملوش وقت محدد علشان يجي فيه
  • الشغف مش حاجه كده هتلاقيها وانت ماشي
  • الشغف مش مربوط بحاجه معينه ومش مربوط بوقت معين
  • الشغف شئ بيظهر بداخل كل شخص مننا تجاه حاجة معينة!
  • ممكن تحس بيه بعد يوم ممكن بعد اسبوع وممكن بعد شهر وممكن بعد سنه وممكن توصل لعدد كبير من السنين وانت معرفتش شغفك ومش عرفت الحاجه الي ممكن تنفع فيها او الحاجه الي فعلا الحاجه الي هي على مقاسك والي لايقه عليك والي هي مينفعش تكون غير فيها.

بس خليني اطمنك انك طول منتا بتجرب وموقفتش تجربة! صدقني هتوصل وهتواصل قريب اووي، وصدقني قريب اووي هتحس فعلا بشغف جواك وساعتها انت كده لقيت الحاجه اللي مهما تعملها ومهما تقضي فيها وقت مش هتكل ولا هتمل ابدا منها.
والنهاردة معانا كورس من أجمل الكورسات اللي هتساعدك ع وصولك لشغفك، زي ما ساعدتني أوصل انا كمان لشغفي قبلكم، وكمان من مميزات الكورس انه مشروح “باللغة العربية”

ازاي أكتشف شغفي واحقق طموحي؟ كورس “عش بشغف”


معلومات عن كورس “عش بشغف” للمحاضر الدكتور حسن المزين

  • عنوان الكورس : عش بشغف
  • النوع: تنمية بشرية
  • المحاضر: حسن المزين
  • عدد المحاضرات : 22 محاضرة
  • عدد ساعات المحاضرات كلها : 3 ساعات
  • هل يوجد شهادة بعد انتهاء الكورس :نعم
  • الكورس مقدم من منصة” ندرس”

ملخص كورس “عش بشغف” للمحاضر الدكتور حسن المزين

في كورس” عش بشغف” يتحدث الدكتور “حسن المزين” عن:-

  1. طريقنا للنجاح وعن أزاي كل شخص يقدر يستخدم الطاقة المدفونة جواه!
  2. عن ازاي كل شخص مننا يقدر يتخلص من روتين حياته والي مخليله مربوط دايما بالاشياء السلبيه
  3. بيتكلم الدكتور حسن المزين عن التفاؤل وازاي نفضل دايما كده وعن التواصل بين كل اللي حوالينا وعن ازاي نقدر نتخلص من كل الطاقه السلبيه اللي جوانا.
  4. كمان بيعلمنا ازاي نقدر نحقق احلامنا وازاي نتخلص من اي شئ او اي شخص بيحبطنا وبيسرق مننا احلامنا
  5. وازاي نطول من عمر اللحظات السعيده اللي بنقابلها ف حياة كل شخص مننا.


بعد الإنتهاء من كورس “أكتشف شغفك” للمحاضر الدكتور “حسين المزين” سوف تكون قادراً على:-

  • هتطلع منه عندك معلومات كتيرة جدا عن الشغف وعندك قصص وامثال كتيرة عن كده.
  • هتقدر توصل ل شغفك وهتقدر توصل للحاجه اللي هتحبها واللي معمرك هتمل منها لأنك شغوف بيها.

وطبعا علشان تحفز نفسك وتبدأ رحلة التعلم الذاتي الخاصه بيك، هتاخد شهادة مجانية ك نوع من التشجيع والتحفيز لك.


معلومات التسجيل في الكورس

  1. رابط التسجيل في منصة ندرس للتعليم الذاتي
  2. رابط التسجيل في كورس عش بشغف
اترك تعليقا
إغلاق